DERIOKO
INSTITUTUA
Joan den urtarrilaren 25ean, Txorierriko
AMPAk (Larrabetzu, Zamudio, Derio, Sondika eta Lezama) eta Txorierriko
Institutuaren arteko bilera bat izan genuen.
Dakizuenez, bilera hau gure eskolak
eskatua izan zen, institutuko handitze lanak, Hauspoa proiektua eta datorren
urtetik aurrerako institutuko jantoki zerbitzuaren gaineko informazioa argitu
eta gehitzeko asmoz.
Institutuko handitze lanak datorren
urteko udan hastea aurreikusita dago, eta 2018ko gabonetan amaitzea. Beraz,
aurreikusitako iraupena urte eta erdikoa da, eta datorren 2016-2017 ikasturtean
ez litzateke obrarik egongo.
Aurrekoetan aipatu dizuegun legez,
espazio falta arazo bat da hainbat aspektutan, jantoki zerbitzua barne.
Dena den, zentroko Zuzendaritzatik ziurtatu digute, zerbitzu hau mantendu nahi
dutela.
Datorren ikasturtetik aurrera, zerbitzu
honen egoera bi hauetako bat izan daiteke:
1. Orain arteko zerbitzu berberarekin jarraitzea, ordutegi zatituarekin.
Orain, bazkaltzeko hiru txanda daude eta beharrezkoa baldin bada, laugarren
txanda bat ere jartzea posible dela uste dute.
2. Institutuan Hauspoa proiektuak aurrera egiten badu:
a. Ikaste ordutegia jarraitua izango da, 8:30tatik
14:30tara.
b. 14:30etan, jardueretan parte hartzen ez duten umeak
etxera joango dira, jantoki eskubiderik gabe.
c. Jarduerak 15:15etatik 17:00tara izango dira (bi
txandetan) eta izan daitezke:
i. Astearte eta ostegunetan mintegiek antolatutakoak.
ii. Astelehen eta ostegunetan: Klubak, tailerrak, hizkuntzak etb. nagusiki
Institutuko guraso elkarteak antolatuta.
iii. Lehenengoak dohainik izango dira eta bigarrenak oraindik
zehaztu gabeko kostua daukate.
iv. Umeak, gainbegiraturik, etxerako lanak edo talde lanak
egiten ere gelditu litezke.
v. Proiektuaren aurkezpen dokumentuan, jardueren iraupena sei hilekoa, urtekoa
edo lau hilekoa izan daitekeela aipatzen da. Jardueren iraupenarekin jantoki
zerbitzuari egonkortasun bat ematen saiatuko lirateke, jantoki zerbitzua izatea
hauetan parte hartzearen araberakoa izango da eta.
d. Jardueretan parte hartzea librea izango litzateke, jantokiak plaza kopurua
mugatzen duelarik (hasiera baten jantoki txanda bat aurreikusita dago, gehienez
txanda bi, hau da, gutxi gora behera 300 ume).
e. Jantoki zerbitzua astelehenetik ostegunera izango
litzateke.
f. Ikasleek 2 eguneko jardueran parte hartzen badute, egun
bi horietan jantoki zerbitzu eskubidea izango dute.
g. Astean lau egunetako jardueretan parte hartzen badute, lau eguneko jantoki
zerbitzuaren eskubidea izango dute.
h. Ikasleek astean egun bakar bateko jardueran parte hartzen badute, ez dute
jantoki zerbitzurik izango. Jateko egokitutako gela batetan bazkaldu beharko
lukete.
i. Ikasleek astean 3 egunetan jardueretan parte hartzen
badute, hiru egunetik baten, jateko egokitutako gela batetan bazkaldu beharko
lukete.
Arratsaldeko jardueren ondoren, etxera
buelta honela izan daiteke:
a. Gurasoak umeen bila joan litezkeen.
b. Umeak garraio publikoan bueltatuko lirateke haien etxera.
c. 17:00tan autobusak erabiltzeko aukera begiratzen ari
dira, autobus bakoitzeko urteko kostua 9.000€koa izango litzatekelarik. Ez
dakigu zein izango zen gurasoak ordaindu beharreko diru kopurua, institutuak,
inplikatutako udalak eta institutuko AMPAk kostuaren zati bat ordaintzearen
aukera ikertzen ari direlako. Autobus honek ez lituzke Eusko Jaurlaritzaren
garraioak dituen geraleku berdinak izango. Umeak gure kasuan adibidez,
Udaletxeko plazan utziko lituzke, non bizi diren kontutan hartu gabe.
Dena den, aipatu beharrekoa da
institutuan Hauspoa Proiektuaren aurkezpena hasierako fase batean dagoela
(institutuko AMPAn aurkezpena, Klaustroa, iradokizunak jasotzea, etb.), beraz,
helarazi dizuegun informazioa aldatu liteke behin betiko aurkezpena egiterakoan.
Guretzat jantoki zerbitzua hain
garrantzitsua izatearen arrazoiak jakinarazten saiatu gara institutuko
zuzendaritza taldeari, batez ere DBHko 1. eta 2. mailako umeentzat (familia eta
lan bizitza bateragarri egitea, bizikidetza, gure ustez oraindik ez dagozkien
ardurak haien gain hartzeko gazteegiak direla, etb.)
Azkenik, Hauspoa Proiektuak aurrera
egiten ez badu, obrak askatasun handiagorekin burutu ahal izateko, hauek
hastean, institutuaren ustez, Eusko Jaurlaritzak ordutegi jarraitua inposatu
dezakeela jakinarazten dizuegu. Hau horrela balitz, ez dakigu epe horretan,
zein egoeratan geldituko litzatekeen jantoki zerbitzua.
Informatuta mantenduko zaituztegu.
